„Кога помина толку многу време?“ и „Како е можно времето да лета толку брзо?“ се прашања што веројатно барем еднаш сте си ги поставиле на крајот од некој викенд, месец или година.
Се разбира, не постои начин навистина да се забават стрелките на часовникот. Сепак, постои причина зошто ни се чини дека годините минуваат сè побрзо. Според пензионираниот неврохирург д-р Брајан Хофлингер, еден од главните фактори што придонесуваат за ова е рутината, пренесува „Хафингтон пост“.
Кога нашите денови главно се состојат од исти активности, мозокот има помалку нови настани што треба да ги забележи како посебни сеќавања. Како резултат на тоа, за периодите од животот во кои не се случува ништо особено значајно, подоцна можеме да имаме чувство дека поминале за миг.
Хофлингер овој феномен го нарекува „компресија на времето“. Кога деновите се многу слични еден на друг, нашиот мозок не ги доживува како низа од посебни искуства, туку ги групира заедно. Токму затоа може да изгледа дека неколку месеци поминати во иста рутина поминале неверојатно брзо.
© Vecer.mk, правата за текстот се на редакцијата
