Докторот Томас Шакновски се соочува со обвинение за убиство од небрежност по невидениот пропуст при операција во Алабама, кој заврши со смрт на пациент, пренесува „Ен-Би-Си Њуз“.
Иако операцијата била рутинско отстранување на слезината, хирургот направил незамислива грешка извлекувајќи го црниот дроб на жртвата, што предизвикало силно крвавење кое медицинскиот тим не успеал да го запре.
Шакновски бил лоциран и уапсен на Флорида на почетокот на оваа недела. Јавноста во САД со неверување го следи овој случај, со оглед на тоа што станува збор за еден од најтешките соопштени случаи на лекарска грешка во последните години. Обвинителството нагласува дека смртта настапила веднаш по погрешниот потег на хирургот, претворајќи ја планираната процедура во сценарио со трагичен крај.
© Vecer.mk, правата за текстот се на редакцијата
