Најдобар совет е пред купувањето внимателно да ја прочитате етикетата на производот.
Конзервираната риба е совршен избор за повремени промени на менито, но тука треба да бидете внимателни, а експертите препорачуваат задолжително да проверите што пишува на етикетата. И ако ги видите трите букви БПА (BPA), да не ја купувате таа риба.
Туната е многу здрава и е омилен избор на многумина. Сепак, треба да се има предвид дека сите видови риби, вклучително и туната, содржат мала количина на жива, за илустрација, само една конзерва туна содржи 18,11 микрограми жива, додека истото количество туна Албакор содржи 49,53. микрограми жива.
Добрата вест е дека шансите за труење речиси и не постојат, бидејќи би требало да јадете огромни количини туна за да си го загрозите здравјето.
Живата е еден од најчестите токсини во производите од риба и е исклучително штетна за сите, особено за жените кои планираат бременост, трудниците и децата. Максималното дозволено количество на жива е 1,6 микрограми на килограм телесна тежина, и тоа неделно!
Исто така, кога се работи за конзервирана туна, многу е важно да се внимава што пишува на етикетата.
Џенифер Фиске, жена диететичар од Далас, објасни каква конзервирана риба никогаш не треба да купувате. Таа советуваше да барате пакувања на кои јасно стои дека не содржат бисфенол А (BPA).
- Супстанцијата бисфенол А (БПА) се врзува за мастите, затоа барајте туна или сардини на кои пишува дека не ја содржат оваа хемикалија. Ако имате можност, купувајте риба во тегла, а не во конзерва - објаснила Фиске.
Инаку, запомнете дека од сите видови конзервирана храна туната има најголем процент на „BPA“!
Бисфенол А е супстанца за која многу се зборува во последните дваесет години. Внесена во прекумерни количини, може да го наруши балансот на хормоните, поради што во некои производи, како што се шишињата за бебиња, е строго забранета, пренесува thehealthy.com
© Vecer.mk, правата за текстот се на редакцијата
