Бугарското Министерство за надворешни работи негираше дека дистрибуирало дипломатска нота поврзана со посетата на Бугарија на семејството на премиерот на Македонија, Христијан Мицкоски.
„Министерството за надворешни работи не дистрибуирало дипломатска нота или друга официјална кореспонденција поврзана со посетата на Бугарија на членови на семејството на официјален претставник на друга земја“, соопшти дипломатскиот оддел.
„Информациите што циркулираат во јавноста во последните денови се однесуваат на вербална нота од 6 јануари 2026 година и се однесуваат на настани што одамна поминале. Во моментов, оваа информација не може да се сфати како основа за заклучоци дека постои непосредна опасност по безбедноста на граѓаните на Бугарија или друга земја. Министерството за надворешни работи придава големо значење на заштитата на дипломатската кореспонденција и строго се придржува до утврдените меѓународни правила и практики во оваа област“, се прецизира во соопштението на министерството.
Во меѓувреме, амбасадорот на Бугарија во Македонија беше повикан во Министерството за надворешни работи во Скопјe поради јавното објавување на дипломатска нота што содржи информации за членовите на семејството на премиерот Христијан Мицкоски кои го посетиле Пампорово.
Министерот за надворешни работи Тимчо Муцунски го оцени инцидентот како неприфатлив во односите меѓу двете земји и побара извинување и брза реакција од бугарските институции.
© Vecer.mk, правата за текстот се на редакцијата
