logo
logo
logo

Мицкоски за пругата со Бугарија: Знаеме точно што правиме, нема да направиме ниту милиметар спротивен од интересот на граѓаните и државата

Vecer | 14.03.2025

Мицкоски за пругата со Бугарија: Знаеме точно што правиме, нема да направиме ниту милиметар спротивен од интересот на граѓаните и државата

За танго се потребни двајца, изјави денеска премиерот Христијан Мицкоски одговарајќи на новинарски прашања поврзани со односите со Бугарија и одлуката на тамошната Влада да се прекине со железничкото поврзување поврзувањето со Македонија.

Мицкоски посочи дека треба да се почека, бидејќи се уште не се знае дали ќе има договор или нема да има.

- Наша задача е да работиме. Сега дали ќе има договор - за танго се потребни двајца. Треба да видиме и од другата страна како функционираат, рече премиерот.  

За Коридорот 8 и за однесувањето на бугарската страна, тој кажа дека ВМРО-ДПМНЕ одамна го комуницирало тоа со јавноста и дека сега дури и заклучоците на новинарите и медиумите се дека попусто ќе се трошат парите.

- Дури и вашите заклучоци се во тој стил дека за џабе е да ги трошиме парите, ама ние кога го зборевме тоа „ама види ги овие вмровциве што прават“. Е сега што правиме, праша Мицкоски.

На прашањето што ќе правиме со парите наменети за железницата, тој рече дека треба да се почека и оти не треба да се брза.

- Знаеме точно што правиме, нема да направиме ниту милиметар спротивен од интересот на граѓаните и државата, тоа да бидете сигурни, уверува Мицкоски, кој беше на настан во Ѓорче Петров.

Министерот за транспорт Александар Николоски претходно ги објасни постапките на македонската Влада по вчерашната одлука на бугарската Влада во врска со железничкото поврзување и Коридорот 8.

© Vecer.mk, правата за текстот се на редакцијата

TailoredCV
logo

Vecer.mk е прв македонски информативен портал, основан во 2004 година.

2004-2025 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2025. Vecer.mk