Менаџерот на Арсенал, Микел Артета зборуваше откако неговиот тим загуби со 0:2 во првото полуфинале на Карабао купот.
„Најголемата разлика беа шансите во фазата на затворање. Во сите други аспекти бевме подобри. Дадоа два гола и мораме да им оддадеме заслуга што можеа така да победат“, изјави Артета.
Реваншот на Сент Џејмс Парк е следниот месец на 5 февруари (среда).
„Кога пропуштате шанси и примате гол, секогаш е тешко. Создадовме многу шанси, но точно е дека противниците одлично го бранеа својот шеснаесетник. Можевме подобро кога носиме одлуки. Имавме ситуација еден на еден и во полуфиналето мора да делуваме посмирено во вакви моменти“, изјави Артета.
Иако за „топџиите“ враќањето во мечот изгледа многу тешко, се чини дека се подготвени да пробаат да се вратат во игра.
„Мораме да бидеме разочарани бидејќи тоа не е резултатот што го посакувавме, туку тоа е реалноста. Верувам дека можеме да се вратиме. Видов како мојот тим одигра против овој противник и верувам дека можеме да го постигнеме тоа“, додаде Артета.
