Ливерпул ќе го надмине евентуалното заминување на своите три ѕвезди по истекот на договорите – Мохамед Салах, Вирџил ван Дајк и Трент Александер-Арнолд – изјави за Sky Sports легендарниот напаѓач на тимот Роби Фаулер. Тој сепак нагласи дека според него двајца од нив ќе останат на „Енфилд“.
Најверојатно заминување во моментов се чини дека е Трент, кој е сериозно заинтересиран за Реал Мадрид. Според Фаулер, кој двапати го напушти Ливерпул во текот на кариерата, сосема е нормално десниот бек да бара поинаков предизвик по 20 години во клубот.
“Тој постигна сè што можеше во својот матичен клуб и ако сака да замине, луѓето ќе разберат. Да, тие ќе бидат разочарани, но ќе имаат разбирање. Со мене ситуацијата беше поинаква. Се чувствував принуден да си заминам”, рече Фаулер за Александар-Арнолд, кој дојде преку академијата на клубот и има 349 настапи за тимот.
“Мислам дека нема да си заминат сите тројца. Мислам дека двајца од нив ќе останат, иако немам внатрешни информации. Без разлика дали ќе останат или не, Ливерпул ќе ги надмине како клуб и повторно ќе биде силен. Играчите доаѓаат и си одат”, додаде Фаулер, кој има 369 настапи и 183 гола за “црвените”.
