Напаѓачот на Челзи, Жоао Педро, проговори за неговиот судир со Луис Енрике по финалето на Светското клупско првенство, кое Лондончани го добија со 3-0. Бразилскиот напаѓач го постигна третиот гол.
По последниот свиреж избувна масовна тепачка меѓу играчите, тренерите и персоналот од двата клуба. За време на судирот, тренерот на ПСЖ, Луис Енрике, го турна Жоао Педро, прво удирајќи го во грлото, а потоа и во лицето, соборувајќи го на земја.
„Го бранев Андре Сантос затоа што видов дека играчите на ПСЖ го опколија. Како вистински Бразилец, го бранев мојот соиграч. Одеднаш, се собраа многу луѓе и бев турнат во тепачката. Ова е дел од играта“, рече Жоао Педро.
„Мислам дека тие не знаат како да губат, но поразите се дел од фудбалот. А сега е време да славиме“, додаде Бразилецот.
