„Израел не сака да ја обезбеди сопствената безбедност. Израел сака повеќе територија. Владата на Нетанјаху ја користи безбедноста како изговор за окупирање дополнителна територија“, изјави турскиот министер за надворешни работи Хакан Фидан на дипломатски форум во Анталија, јужна Турција.
Според турскиот министер за надворешни работи, покрај палестинските територии (Појасот Газа, Западниот Брег, Источен Ерусалим), Израел сега се обидува да ја потврди својата доминација над териториите што им припаѓаат на Либан и Сирија.
„Ова мора да престане“
„Ова е континуирана окупација и експанзионизам. Ова мора да престане“, додаде Фидан, тврдејќи дека „Израел создаде илузија на меѓународно ниво преправајќи се дека бара само сопствена безбедност“.
Турскиот министер за надворешни работи веќе го обвини Израел во понеделник дека сака да ја претвори Турција во свој „нов непријател“ откако израелскиот министер за надворешни работи Израел Кац ја опиша Турција како „хартиен тигар“.
Фидан денес изрази жалење што конфликтот на Блискиот Исток ги забавува напорите, вклучително и оние што ги презема Анкара, за прекин на конфликтот во Украина. „Ова ја стави војната меѓу Русија и Украина во втор план“, рече Фидан и повика на продолжување на напорите за завршување на војната во Украина откако ќе се воспостави мир на Блискиот Исток.
© Vecer.mk, правата за текстот се на редакцијата
