Тројцата заложници, меѓу кои се и државјани на САД и Русија, беа преземени од израелските сили во градот кан Јунис, а набргу потоа пристигна првиот автобус со ослободените Палестинци од затворот во западниот брег.
Размената ги отстрани стравувањата дека примирјето во Газа би можело да пропадне пред истекот на неговата прва фаза, која почна на 19 јануари. Пред неколку дена, Израел со поддршка од Доналд Трамп се закани дека ќе го укине примирјето и ќе продолжи со жестоките борби ако заложниците не бидат ослободени до сабота напладне.
Од 251 заложник, 73 се уште се во Газа, а околу половина од нив се верува дека се мртви. Речиси сите преостанати заложници се мажи, вклучително и израелски војници.
© Vecer.mk, правата за текстот се на редакцијата
