Премиерот Христијан Мицкоски би бил најсреќен доколку Соединетите Американски Држави ги затегнат или целосно ги укинат иселеничките визи за македонските граѓани.
Според Мицкоски, главниот фокус и политика на оваа влада не е поттикнување на иселувањето, туку враќање на нашите граѓани назад во татковината. Тој направи јасна разлика меѓу туристичките патувања и трајното заминување од земјата.
„Ако може Американците да ги затегнат условите за иселенички визи за македонските граѓани, јас би бил најсреќен, затоа што политиката на оваа влада е да ги врати иселениците. Ако зборуваме за туристички визи, тоа е сосема друга работа, но ако може да ги затегнеме иселеничките или воопшто да не ги даваат, ние би биле најсреќни“, изјави премиерот Мицкоски.
© Vecer.mk, правата за текстот се на редакцијата
